Sunday, May 14, 2006

احنا الخطاوي الأكيدة


80 comments:

nanonano said...

أهداء بوفهد و بس

nanonano said...

شباب....أنتو نسيتوا يا دارنا يا دار حق أم كلثوم
هذي من أحلى ما تغنى عن الكويت

Zaydoun said...

غني الكويت وغني علاها ويومها الوطنيَ

هذه من أغنية فيروز


جنديف... عيزت أدور على أغاني سناء الخراز مالوت سنة 1981، يا بحور ديرتنا، اعزف يا شاعر والربابة لك ضلوعي

9oot said...

zaydoun her it is

http://song.6arab.com/shade+sanaa_e3zef-ya-sha3er.ram

http://6arab.com/singers-ar/east/shady-al5aleej/index-ar.shtml

Q80 Liberal said...

LOL
احلى شي اهداء بوفهد

Al_Otaibi said...

عجبني الاهدااااء الخاص لأبو فهد :)
نغزااتكم قووووويه :)

دستوري said...

قصيدة مهداة لكل
من يشارك بليلة
الارادة




ليلة الارادة



هذي ليلة الارادة

والولد يفدي بلاده

عيشي يا كويت بسعادة

والوطن فوق الجميع

******

قلبي الليلة ينادي

هذي الحلوة بلادي

انتكاتف بالايادي


والوطن لا ما يضيع

*****

لا فساد ولا رشاوي

لا سكوت ولا فداوي

العضو فوق الهقاوي

والوطن لا ما نبيع

******

الحجي مو بس دواير

الحجي بكل اللي صاير

اكتبوها بكل عاير

للوطن عاد الربيع



الكويت في 14 /05/2006

ضميرالوطن said...

شباب قلبي وروحي معاكم
بس اشراح اتسون اذا نطلكم بو فهد في ليلة الارادة وقال لكم انا كويتي وابي اعبر عن حبي للكويت مثلكم واحنا الكويتيين عاطفيين حدنا
شنو ردة فعلكم , ترى والله يمكن ايسويها؟

دستوري said...

مرحبا

امس بزواية ثرثة الرأي العام امدحوا حملة نبيها خمس


واليوم بالصفحة الاولى حطوا عنوان عن ليلة الارادة

وفي التتمات اكتبوا

" وعلمت «الرأي العام» ان حملة «نبيها خمس» الشبابية ستنظم مهرجاناً خطابياً مفتوحاً على الشاطئ المقابل لمبنى مجلس الأمة «يستمر من السادسة مساء اليوم الى حين بدء جلسة الدوائر الانتخابية غداً مما يعني المبيت قرب المجلس في سابقة هي الأولى من نوعها في تاريخ الكويت السياسي.
وستقام هذه التظاهرة تحت مسمى «ليلة ارادة» وتتضمن اغنيات وطنية للفنانة سناء الخراز والفنان شادي الخليج، وكلمات خطابية لمجموعة من الشباب المنظمين.
وتقوم حملة «نبيها خمس» اساساً على مجموعة من المدونين الكويتيين في مدونة ساحة الصفاة في شبكة الانترنت وهي مدونة تجد صدى كبيراً لدى سياسيين وكتاب ومثقفين وشباب وشابات كثر، اضافة الى تعاون من مجموعات شبابية متنوعة منها اتحاد طلبة اميركا وجمعيات طلابية تميل الى قوائم المستقلة والوسط الديموقراطي وتجمع القوى الطلابية اضافة الى مساندة ميدانية من شباب وطني متحمس للدوائر الخمس.

ضميرالوطن said...

دستوري
صح السانك
لاتنسى تاخذ القصايد معاك حق الاناشيد

neelaah said...

ترى الريوق الصبح علي

انا بمر عليكم و اييب سندويشات قبل لا اروح الدوام

شتبون
تدللوا

لمياء الحالمة said...

I don't know when "Gallabiah party" is going to end!

:)

حب الوطن لا يُختَزَل بأغنية

Funky White Shirt said...

لميـــــــــــــــاء
أنتي وين عايشه
أذا ما عندج شي تقولينه ترا السكوت من ذهب
و بعدين ليش كله تعليقاتك جنّج وحده عايشه بالمريخ
والحين هالمجهود كلّه يايه حضرتك تقولين حب الوطن ما يختزل في أغنيه

الطارق said...

لن تكون ليلتنا اليوم ليلتنا الأخيرة ، وسنستمر حتى تتحقق ارادة الشعب .


فاستعدوا لليال طويلة .

Broke said...

Funky with white shirt

Waai baraddt/ty chabdi ..kent 3ala washak enny a'3ale6

أرد و أعيد

اللي مو عاجبه الموضوع خل يكرمنا بسكوته

Q80 Liberal said...

لمياء
و اللي يعافيج
بلا تكسر مجاديف و التحبط
عااشششوااا
و نبييييها خمسسسسسسة

AyyA said...

Dreamy Lamya2
The party will never end so long there is corruption in the country (La wi 3ainik 3ainik). The issue is not just about the 5, it’s about dignity, it’s about hope, it’s about souls screaming; we had enough, it’s about you and me, it’s about our future generation, it’s about Kuwait. If you prefer to succumb to injustice, and keep your silence no matter how much your country is looted, then do it alone, because Kuwaitis have too much pride and dignity to be silenced. And they have the will to make things change. And change is the only fact of life that remains constant.
So step down for a while from your dreamy cloud, and think about that for a change and I hope to see you among us tonight.

عتيج said...

هذه اول مشاكه لي وحبيت ان اعبر عن مدى فخري واعتزازي بشباب الحملة البرتقالية وخصوصا شباب ساحة الصفاة
كلنا من اجلج ياكويت واليوم يومكم يا اهل الكويت المحبةعلى فكرة احلى اهداء ... اهداء بوقهد

Mad M2000 مــادم الكويت said...

I havent been this happy since 1991

الحكيـــــم said...

والله ضياع وقت وفلوس إلي قاعدين إتسوونه...وين راح نوصل؟ ولا مكان...الإستفاده؟ زيـــــــــــرو....يليت الكويت دائرة وحدة بس شنو ضمان إستقرار الأسرة الحاكمة؟

r7ama_bin_yaber said...
This comment has been removed by a blog administrator.
mishari said...

لو حاطين اغنية سناء الخراز
اعزف يا شاعر والربابة لك ضلوعى
خل الغوانى كل شوقى يشيلنه
شوق قديم فى ثرى الصدر مزروعى
وعروقى قلب
صافى الود يتهنه
zaydon al9ara7a ذوييق

9oot:الصراحة مشكور لانى حتى انا كنت ادورها

As YoU LiKE said...

i will be there ...
وقلب "العدو" ان شاء الله نحرقه ... مع صاحبه !

نبي حضور ياشباب ...

r7ama_bin_yaber said...

آآخ حكيم علامك بارد هاذي الكويت يبا .. مو من أول دقره تبرد لا ..بنروح اليوم و بنعبر عن راينا و بنوقف و ماراج نسكت ان نكون عبيد و نرجع لي ورا لنا راي و بنقوله و غصب طيب لازم افهمون ان احنا راينا مسموع و يمشي بعد

يا شباب الفزعة


احنا الخطاوي الأكيدة على دروب الأمل مثل الرياح العنيدة ماقط عرفنا الملل

KuwaitVoice said...

ساحة الصفاة .. شنو تبون انييب معانا .. ماي .. بيبسي .. أكل .. لوحات .. بوسترات .. قولولنا وخل نتشارك بهاليوم .. مايصير العبأ كله علييكم .. انتو يعطيكم العافيه وما قصرتوا ، يكفي تنظيمكم لهذي التظاهره .. وانا دزيت إيميل لكل واحد فيكم ، جنديف ، مبتدئ ، رشيد ومحد رد عليي .. اتمنى انه يكون الايميل وصل..

المهم نبي نسهر احنا ، فشنو نتحاج انييب معانا

Jandeef said...

كويت فويس

سامحنا يا اخوي ما رديت عليك انت ادرى بالشغل واللوية

لا تخاف ما على ساحة الصفاة أي عبء ، كل العبء ان نكتب ونعلن عن ليلة الإرادة ، في شباب في الكويت يشتغلون ليل نهار وهم مجموعة كبيرة متقاسمين الشغل يعطيهم الف عافية ، جمعهم هدف واحد في هالحملة وكثير منهم ما كانوا يعرفون بعض في السابق

الشباب مجهزين بوسترات وكل شيء ،، اذا ودك تساعدهم اتوقع بهالجو الحار ماي وعصاير وبيبسي تكسب فيهم اجر

KuwaitVoice said...

يعطيكم ألف عافيه جنديف .. وصدقني كل
هالتعب والشغل واللويه ، راح يكوون مكسب لنا وبنحصده بيوم من الايام وراح تتذكر كل كلمه طبعتها بالكيبورد ، لما اتشوف انه الكويت قاعده تتعدل على ايدنا وانه كلمتنا صارت اقوى كلمه وينعملها الف حساب وكلنا راح نفتخر بنفسنا ،

ماي وعصير وبيبسي وعيوني وروحي من أجل هذا الوطن ، والله انه شوفة كلمة الكويت ولما اقول كلمة كويت ولما اقرا كلمة الكويت ،أحس ابفخر وبشعور احسد نفسي عليه

اتمنى من البشوت يحسون بقدر الكويت ، لانه والله ماكو مثلها وحرام اللعب اللي قاعدين يلعبونه

Bo Jaij said...

خطوة أخرى فى طريق زعزعة الفساد المعشش بالحكومة و المجلس

مو بس دوائر...هذى الكويت

إذا البعض يعتبر التجمع مضيعة للوقت فأهلا بضياع الوقت كله

فى شى أهم من مستقبل بلدك و أولادك و أهلك ؟

إذا فى شى أهم إجلس بالبيت و تابع الأخبار أو تجاهل الموضوع برمته

أما إذا كنت حاس بسوء أحوال البلد و خايف على عيالك من إنهم سيعيشون بحالة أسوأ منك الآن...هذى فرصتك لترضى ضميرك أولا...و حتى تكسر حائط الإحباط الى إمجابله صارلك سنين

تشعر بأن صوتك غير مسموع و لا أحد يهتم بما تقوله أو تتمناه...تعال و شارك و عط روحك فرصة

حاس إن الحياة لا تحتمل بالبلد و الفساد سيطر على كل شئ ...من مجلس الوزراء إلى إتحاد الكرة....طق سلف و تعال...إشناطر

أخوانك و خواتك اللى راح إتلاقيهم يشاطرونك نفس الأمانى و نفس الرغبة بالتغيير

تبى الكويت غير...تبيها مثل دبى و لا أحسن ؟؟

عيل قوم إتحرك...قول حق ربعك دقت ساعة إصلاح البلد..و الديرة تناديكم و منو راح يصلحها غيركم؟

لا تستسلم و تقول ماكو فايدة....ماكو فايدة بالحكومة الموجودة الحين و مجلس الأمة مضروب و ما يقدر يسوى شى...بس بإيدك إنت تقدر تقلب المعادلة...بوقفتك مع أهلك جنب أخوانك و خواتك راح إتحس بأنك سويت شى صح...شى له مفعول و قاعد يغير من واقعنا....عطيت أمل حق عيالك....رجعت الروح الوطنية فيك....و كسرت قطعة من طوفة الفساد اللى قاعدة تهتز الحين من وقفة أهل الكويت الأحرار

لا نمثل حزب و لا لنا شغل بتجمع..و ما إنعرف منو السنى و منو الشيعى فينا...كلنا متوحدين بلبس البرتقالى و كلنا رافعين علم الكويت و كلنا راح إندز رسالة اليوم...رسالة مو بس حق أهل الفساد عندنا...رسالة من أهل الكويت الأحرار للعالم

نحن هنا...و سنغلب الفساد....و سنحمى الكويت .....و سنرفع بإسم الكويت لأعلى المراتب بعد أن إستباح المفسدون سمعتها و كرامة شعبها




يالله قوم.....ناطرينك

labga3 said...
This comment has been removed by a blog administrator.
zeena99 said...

عاجل....عاجل


يروج حاليا في البلاد أن القيادة السياسيه وجهت تعليمات إلى الحكومه بأن أي تداعيات في جلسة الغد خارجه عن المألوف ستؤدي إلى حل المجلس على الفور ..أو حتى تقديم إستجواب إلى رئيس الحكومه...وأن مسودة مرسوم الحل جاهزه...وأن أي تصعيد في الشارع سيواجه بشدة وحزم.


رئيس مجلس الأمه جاسم الخرافي ...أعطى تعليمات للحرس بعدم دخول أي من الجمهور بلافتات أو شعارات أو أي ألوان مميزه في جلسة الغد!!! ..وهدد برفع الجلسه وإخراج الجمهور فورا عند أي كلام للإشادة أو الأستهجان ...وبإلغاء الجلسه ورفعها في أي حالة مشادات أو جدل واسع بين النواب.

نتمنى من الجمهور أن لا يخرب الجلسه ...وفي أي نداءات أو كلام يوجه إلى الرئيس

دون التعرض للنواب لأنه المسؤول عن كل ماسيحدث في جلسة الغد؟؟؟!!!!!!

Q8Maverick said...

أحلى إهداء حق بو فهد

بدوا يخوفون الناس بالحل، أبي أعرف ليش هالعناد كله؟!؟

الخرافي على باله هذا بيت أبوه مو بيت الأمة...شكو شنو الناس يلبسون؟

دستوري said...

عاجل

ناصر المحمد ابلغ مشاري العنجري ان الحكومة ستوافق على الاحالة للدستوريةو اذا ما قدم طلب

هجمة عكسية said...

ماهي صحة الاخبار عن مصادرة وزارة الاعلام لصحيفة الشعب و منعها من الصدور في مطابع السياسة
نرجوا الافادة من اي شخص لديه فكرة كاملة عن خلفياته

Bo Jaij said...

مو مشكلة خل يفركشون الجلسة و خل يحلون المجلس و خل يحيلون الدوائر العشر للدستورية


هذى لعبتهم و حافظينها من زمان


المهم الشعب راح إتكون له وقفة


إتفركش جلسة شغلة سهلة و إتحل مجلس الأمة أسهل ...بس شتسوى إذا قال الشعب كلمته؟؟؟؟



بعد الجلسة شنو راح يكون شكل الحكومة و هل سيبقى لها
أى إحترام عند الشعب الكويتى بكل أطيافه؟؟؟؟؟

bo9ali7 said...

loooooool...
bofahad al7een mayyt qahaaar

مبتدئ said...

تذكرون..

"وما نيل المطالب بالتمني"ـ

كفو والله

bunaz said...

ALSHA3B مدري شسالفة كلمة
عسى ماييب الواحد طاريها ألا انمنع

Q8Maverick said...

محمد الجاسم اصدر مقال يحرض فيه النواب على الإستقالة.. الناس تغلي يا جماعة و الحكومة مو حاسة.. محمد الجاسم اشار الى ان الحل من المحتمل ان يستخدم لتمرير قوانين مثل بوق حقول الشمال، الخ

الله يستر على الديرة..

بونفط said...

الى جاسم الخرافي
شنو قاعدين مدرسه تبي زي موحد حق المجلس
المجلس للشعب ويجون لابسين نفس مايبون
يالحكومي اكثر من الحكومة
ما اقول الا مالت على البامية ام السناسين
وانشاء الله هذي اخر سنه لك في المجلس ادخل الحكومة وصير وزير من غير وزارة ابركلك

dara said...

أجتمع اليوم صاحب السمو الشيخ صباح الأحمد مع أركان من الأسرة ومسؤولين كبار في الحكومة وأعطى توجيهاته بان لو تطورت جلسة الدوائر الى أزمة سياسية كبيرة وتهديد باستجواب رئيس مجلس الوزراء فسوف يتم حل مجلس الأمة..

ولو صار تأجيج بالشارع الكويتي وتصعيد شعبي سوف يتم مواجهته بحزم وقوة ولن يكون مثل المرات السابقة..

احتمالات كبيرة لاحالة مشروع الدوائر الى المحكمة الدستورية..

الأمر الأخير..جاسم الخرافي أعطى تعليمات لحرس المجلس بمنع كل شخص يحاول ابراز مظاهر التأييد لدوائر الخمس من الوان أو لافتات..

الله يكون بالعون..

لكن أعتقد ان التصعيد الشعبي وارد جدا خصوصا ان الحكومة لن تستطيع أن تلجم هذا التصعيد لأن راح يهز صورتها أمام الرأي العام العالمي..

أزمة مواجهة بين الحكومة والفعاليات والقوى السياسية..تداعياتها..اما ايجابية وتصعد البورصة لالهاء الشعب الكويتي وشراء رضاه..أو عدم تدخل ومزيد من الانهيار فتتراكم حالات الاحباط بين المواطنين مما يدفع لمزيد من المواجهة خصوصا ان الشعب الكويتي لم يستفيد كثير لما كانت الامور مستقرة..

Bo Jaij said...

نقول لرئيس مجلس الأمة


سنلبس علم الكويت و نتزين بألوانه الزاهية

لا نحتاج لنلبس غير العلم و لا نلبس الأقنعة مثل بعض الناس

bo9ali7 said...

«في المقابل، علمت «الرأي العام» ان كتلة النواب المستقلين تسعى الى توفير حشد شعبي مضاد أمام مبنى مجلس الأمة غداً.
وستوزع اليوم الأحد لوحات كبيرة ومتوسطة الحجم في الميادين والشوارع العامة تكتب عليها شعارات «لا خمس ولا عشر,,, العدالة والمساواة فقط».
=================
هذيل شنو بنسوي معاهم!!
لازم اندير بالنا عدل منهم..ترى الذيب ما يهرول عبث..

مبتدئ said...

واللي شمت.. أووب

ودرب الوطن.. فرشنــاه

وبسم الله

labga3 said...

الكويت باقيه

deleted said...

من يبي خبر يونس ؟؟؟





الذات الاميرية :) اطلبت من رئيس مجلس الامة مناقشة زيادة المخصصات السنوية من 8 مليون الى .. 50 مليون

عاشوا

ولاّدة said...

kuwaity4ever

خل يعطونهم علشان يوزعون على عيالهم
مو أحسن من يتاجرون بالمخدرات؟

شيوخ حفّاي مصيبة..خل يعطونهم من الراس المرفوع بدل لا يبوقون ويتهاوشون على الرياضة لأن فيها فلوس

شيخ حافي يوعان عبارة عن قنبلة موقوته

والله أعلم

ولاّدة said...

مبتديء

وقلب ؟؟؟؟ حرقناه...حرقناه

Zaydoun said...

walladah... LOL!!

meshari..
لها ذكريات

مبتدئ said...

اسمح لي جنديف زدت ونقصت في الأغاني

مبتدئ said...

ولادة

أي والله

deleted said...

لووول

Walladah

صح السانج ..

اي والله تجار مخدرات الله لا يبلانا

وهذا المفروووض.. لهم الامارة ووولاية العهد .. والباجي .. للشعـــــب

bazoon said...

الاستقالة ولا شيء غيرها
من مقالة الجاسم اليوم واهو صاج

وانشوفكم بعد ساعتين ان شاء الشيياب ايسؤلون عن ساحة الصفاة مشكورين وان شاء الي يسمع ويسوي نفسه عمك اصمخ اليوم بشوف بعينه

BuJwais said...

يعطيكم العافية

أنا بييب معاي "سيدي" متروس بس شادي الخليج و سناءالخراز. إحتياط عشان إذا بغيتوا أغاني زيادة. عاد إمنقيهم نقوة كلهم مناسبين حق المناسبة :).

7amool said...

إذا بداية هل عهد حل مجلس الأمة ليشن ما مشى على هواهم عيل النهاية شنو أكيد إلغاء الدستور و جلع الكويتيين عبيد مو مواطنين.

Q8Maverick said...

شباب نبي تغطية حية للتجمع
اعداد الشباب و اذا في أي سياسيين حاضرين

و احنا الخطاوي الأكيدة

Baeeha 5: The Last Stand

zeena99 said...

ياجماعه ..لازم أحد يوقف رئيس مجلس الأمه عند حده ...معقوله ما أحد قادر ينتقده ..معقوله هذه

أرفعوا مساءاليوم يافطات بلغة مؤدبه تندد بمواقفه وأدواره الخفيه التي كشفها الشعب كلها...ياجماعه مايصير نتركه فلنرسل له رساله اليوم خلاص طفح الكيل..بوفهد وقلنل ياحيل الله...بعد حتى الخرافي نعرف أدواره وسويناه بعبع علينا..أه أه

Horseshoe said...

نريد أن نرسم اليوم على شاطئ البحر صورة كويت الماضي
كويت الغد
كويت الأباء والأجداد
كويت الأبناء والأحفاد
نريد صورة جميلة صورة مشرقة
تخترق دخان الفساد الأسود
لتضيئ لنا المستقبل
وهذا كله لن يأتي إلا بوقفتكم اليوم
لأجل الكويت

xphobia said...

الموضوع بكل بساطة
البرلمان غير مستعد ويطلب التاجيل كالعادة
شاطرين يوافقون على المطبوعات بعشرين دقيقة و نظرا لازدياد البدائل الدوائرية MENU
سيتم تاجيل الموضوع وسيبقى الحال
على ال25
مع تحيات شركة التشاؤم المتحدة

A3sab said...

ga3dah mit7agri9ah al7een... all I can do now is sit tight and wait for nano's promised live coeverage via sms while listening to your beautiful music selection.
galbi wiyakum

النوخذه said...

لمن قلت تبون تصيرون ثوار و متخبطين زعلتو و اللحين توقولون مو مشكله حلوه او ما مشت الدوائر المهم يعرفون انا صوتنا واصل يعني استعراض عضلات و بس.......و بعدين اللي يقول رايه و يخالفكم جذي تتنتقدونه اسكت و اذا ما عندك شي لا تقوله!!!!!!والله خوش ايمان بالراي الاخرل.......بديت فعلا اشك انكم ناس مؤتمرين تنفذون و بس ما تفكرون بالي تسوونه طبعا اتكنى كلامي غلط لكن مبين انه الموضوع جذي عموما رحتو ما رحتو وايد او شويه يضل هذا مو اسلوب حوار او نقاش و اي صاحب قضيه ما يطرح قضيته بهل طريقه ولا جان صرنا لا دولة مؤسسات ولا غيره جان صارت دولة غصب على رأي المهاجر الخضرم بوركان اللي اليوم يطلب منكن التعبير عن رايه و اهوا قاعد يعبر عن رايه بامريكا والله خوش وطنيه فيك على العموم ان غدا لناظره قريب

A3sab said...
This comment has been removed by a blog administrator.
A3sab said...

first glimpse:
looking good. people of all ages, children, teenagers and adults are already there. National songs are playing loud on the background. the bigger crowd is yet to arrive after prayer time.
for more live details: a3sab.blogspot.com

starbx said...

tokfaa shaba naby

يا نبع الوفا الصافي يا ديرتي يا كويت

بو سالم said...

كل القلوب معاكم و إهداء بسيط
+
bonus
إدارة جاسم الخرافي للجلسات
(يا عيني على الحياد و ضبط الجلسه و عدم إبداء الرأي في كرسي الرائاسة)

!مجلس محمد عبدالمحسن الخرافي

http://www.youtube.com/watch?v=o8vo6S8sMaw

Q8Maverick said...

بو سالم

كثر من الحرب الإعلامية و الكليبات الممتازة.. هذا شيء أساسي من الحملة الإعلامية.. اتمنى انك تنشرها في كل مكان

q8y_saint said...

وصلتي بعد الصور للتجمع اترككم معها و اعدكم بالمزيد

http://q8sants.blogspot.com/2006/05/blog-post_114762830306202569.html

bo6argaa said...

kaaaak
malat bo fahad qaweyaaaa :))

kila ma6goog said...

pics on my spot

Q80 Liberal said...

مطقوق
يعطيك العافية على الصور
نبي صور أكثر

r7ama_bin_yaber said...

تونه رادين من التجمع ..الحظور كان جيد وصل في وقت الذروة بضع بئات تنوع بين شباب و شابات و أطفال أيضا ,,الموسيقى و سناء الخراز تلعلع .. همم في شي حرني و بقوله ..المسرح اللي كان محطوط كان ماله داعي ,, و في واحد كان قاضب المايكرفون و اصرخ وايد و حجي ركيك جدا و مو راضي يهد المايكرفون و الله يسامحة بط اذنا ..لكن الحمدالله حظرو كل من النائب باسل الراشد و عبدالوهاب الهارون كذلك عبدالله النيباري و أحمد ديين و خالد الهلال.. نوَر التجمع دأحمد الخطيب و ألقى كلمة تشجيعية بسيطة ,, المكان كان معد بطريقة جميلة جدا
الشباب ماقصروا .,يعطيهم العافية
لكن الله يستر من هالحكومة ,, فيهم حقد و كره للناس و أهل الكويت و ماكو فيادة فيهم لانصيخه يسمعون و لا لرغبة شعب
الله خير حافظ

BuJwais said...

I'll be trying to post some short, low-quality videos on this site here:

http://imageevent.com/debdoob/kuwait5

So check back. I'm just trying to work on reducing their sizes first, but I am tired and may leave that to tomorrow. There should be a video or two up there, but those were at the start of the event and not many people were there still.

نواف said...

ذهبت إلى مكان التجمع وشفت الجميل هناك

نتمنى أن يصل الصوت ويقر الأمر

BuJwais said...

يبدو أني راح أكمل غدا لأن برنامج التحويل بطل يشتغل :(!

متلف الروح said...

كويتي 4 ايفر وولاده
السلام عليكم
اشرتم في المشاركه بأن الامير طلب رفع مخصصاته !! ما المانع في ذلك
جميع موظفين الدوله طالبوا برفع رواتبهم بما فيهم نواب المجلس ؟؟ حلال عليهم حراام على سمو الامير

ثانياً اشرتم لتجار المخدرات من الاسره الحاكمة ،، كل اسره فيها الزين و الشين ليش تركزون على الشين ؟!؟! وواحد يتاجر بالمخدرات و قاعد يأخذ جزاه مو العايله بكبرها !! الصراحه موضوع الدوائر قام ياخذ اكبر من حجمه و صارات الاسرة الحاكمة شماعه كل الاخطاء السياسية بالكويت ليش !!! الظلم حراام
و شكراً و تذكروا شيء في وقت النحن ترا الاسره ما تخلت عنكم

دستوري said...

مرحبا

توني راد من يوم تاريخي بحياتي

وهذي بعض التسجيلات صوت وفيديو اهداء الى a3sab


http://www.youtube.com/watch?v=RW-h_CzMvrI




http://www.youtube.com/watch?v=cN3pUYnxDmg



http://www.youtube.com/watch?v=VDhVL5ednKE

bo9ali7 said...

متلف الروح
fe wagt akthar me7na men halwagt hatha..betgooli al'3azo bagoolik kan hjoom 5arji b'3ath alnathar 3an ehmal AL2USRA gabl al'3azo..halwagt akthar me7na men '3eera..le2na al7koomah ga3da tgool alsha3b:
"6izzz feekom..o fe raykom"

A3sab said...

distori, mashkoooooooor

BuJwais said...

I'll be posting a few more clips tomorrow enshalla. I forgot to mention that you need the Divx codec to be able to run those files.

Thanks for the pics ma6goog and the rest :).

واحد من الناس said...

إن شاء الله يحترق قلب الأعداء عدل يوم يقر فيه الخمس دوائر .. و أولهم بوفهد

bo6argaa said...

nabe eghneyat ... ebladena 7elwa... ele eb masra7eya elsendebad