Friday, April 07, 2006

بــو قـتـيـبـــة

الرجل يعاني من صداع مؤخراً ويكتشف أنه ناتج عن نزيف محدود في الرأس ، ويتقرر سفره لمزيد من الفحوصات والعلاج اللازم ، وموجود بين أهله بكامل إدراكه ... اشماله المسجات والتفاصيل اللي مالها معنى؟

يعني فعلاً ربعنا من طق طبله قال انا قبله! مسجات وصلت أمريكا من الأربعاء وتفاصيل تثير الاشمئزاز!

خنت حيلي أمي اتصلت علي اليوم تقول لي بنبرة حزينة "آنا حيل متأثرة ، وايد أعز هالريال" .. والسبب مسج سخيف واصلها.

وخبر إيلاف آه يا إيلاف! جملة واحدة:

"الربعي يصاب بنزيف بالمخ وتم نقله لبوسطن"

وبس! طيب تصريح من أهله؟ من طبيبه؟ من مكتبه؟ جملة ثانية على الأقل؟ هذا يوم الأربعاء! مرة وحدة "تم نقله"! والريال ما راح يسافر إلا الأحد! حستونا حاس الله مصرانكم.

---

إطلاق إشاعة أو ترويجها = جلة حيا ...

استحوا .. وادعوا له بالشفاء.

22 comments:

! said...

والله انك صاج امس نفس الشيء صار معانا تعسرنا وقمنا انقول الشيء الموزين بس ايصير حق الناس الطيبين ولي انحبهم وفي الاخر اطلعت اشاعه سخيفه من ناس لا تراعي الله وتستحي عسى الله يشافي وايشافي مرضانا ومرضى المسلمين وكل مريض

A3sab said...

الله يشافيه انشالله و يروح و يرجع بالسلامة

Mother Courage said...

عسى الله يشافيه و يشافي كل مريض

A3sab said...

توني اقرا خبر الوطن اتمنى ان ما يكون صحيح

هل احد عنده علم اذا كان نزيف او شي اسوء؟

Jandeef said...

A3sab ..

تجدين الجواب في الجملة الأولى من موضوعي!

Q8links said...

الله يشافيه وجميع مرضى المسلمين

moryarti said...

ye2oom bel salameh enshallah we ma yshoof shar..

(sorry for the english typing - my arabic keyboard is busted)

A3sab said...

jandeef,
اشوة! انا هذا اللي كان ابالي بس شلون الجريدة تكتب جذي اهي بروح مصداقيتها رايحه فيها هالمرة انعدمت موووليه!

الحجيه said...

السلام عليكم جميعا
الموضوع اساسا مو المسج المشكله بالبشر الي بس يبون يكون عندهم سبق بنقل الخبر ما يتحقق من صحته بس يشوفه ويدز حتى يقولون انه اهو اول واحد جاب الخبر المصيبه انهم مايراعون مشاعر اهل المصاب ولايتقون الله لأن كلنا معرضين للمرض وغيره الواحد فينا مايدري شلي ينتظره بالمستقبل فياريت الكل يتحقق من المسج قبل نشرها لأن مشاعر الناس مولعبه وتحري الدقه بالمسج يكون نقطه ايجابيه بصالح المرسل والعكس صحيح وانشالله بوقتيبه يعديه الشر ويلبس ثوب الصحه والعافيه باذن الواحد الاحد

Alia said...
This comment has been removed by a blog administrator.
Alia said...

A3sab

شنو تهقين من جريدة مثل الوطن .. والمصيبة ان في ناس ما توصلهم غير الوطن ويصدقون مثل هالاشاعات السخيفة وإللي ما وراها إلا اللي يكرهون بو قتيبة

Jandeef said...

A3sab and Alia..

الظاهر فهمتوني غلط ، ما كتبته الوطن تقريباً صحيح ، أنا كنت أقصد المسجات

Q80-ChillGirl said...

حسبي الله على ابليس

شلعوا قلبي و الله من اليوم ابجي من صبحت بالوطن و طلع نزيف بسيط

اهو ايتم مرض و عسى الله يشافيه من كل شي متعبه بس ليييييييييييش الخبال؟! ليش ايفاولون على الادمي مو حرام؟؟؟؟؟

مو مهم الحجي المهم الله يشافيه و يعافيه و يرده بالسلامه امين

و مشكورين شباب الصفاة!!! محدمريح قلبي غيركم

مشكور جانديف،، شكلي راح اقدر انام

Zaydoun said...

الوطن كأنها فرحانة بالخبر

Jelly Belly said...

Allah yeshafeeh inshallah wegawma bel alsalma...Bu Qutaiba insan 3aziz 3ala gloobna kelna.

Talisman: I don't know if you think what you said was funny? Or maybe you're trying to get attention! But please be considerate his family might read this post. Show some respect please!

iDip said...

اللهم احرسه واشفيه
ورد كيد اهل الاشاعات الى...... الله يسامحهم

===============
BTW, the counter says that my visit is the 144444th !

so I browsed "Tafseer ibn iDip" for an answer, and it says:

the 4s are for..
- a special number
- on a special blog
- on a special post
- about a special person!

AyyA said...

I hope he gets well soon, ma yestahil BuGutaiba

Mohammad Al-Yousifi said...

ما يشوف شر انشاءالله و يستاهل كل خير

عموما هذه الأمور عادية جدا و متوقعة بالكويت,,عطوني مناسبة وحدة ما قلبوها غشمرة و مطنزة؟

و بالنسبة للأخ بزون, المرض أو الموت ليس شيء مو زين, هذا اختبار للصبر و الصلابة فلا تجزع

كلنا لها

و الشكر للجميع

Yazeed said...

ما يشوف شر الرجال
والله بصراحه واقولها كسعودي
اني اتمنى انه يكون ربعي واحد عندنا
اتمنى له الشفاء
والله يقومه على الصحه والعافيه
والله يسامح اصحاب الاشاعات
السوالف ذي موجوده في كل مكان وخاصه احنا الخليجين
احنا اهل شتايم صراحه
وماطلعت الاشاعات هاذي الا لانه الربعي انسان له ثقل
الله يشفيه ان شاء الله
ومشكورين شباب الصفاة صراحه موقعكم
very interesting
الى الامام ان شاء الله

امرؤ القيس said...

الله يشافيه انشاء الله ويرده بالسلامة

! said...

كلها مطقوق

المرض شيء مو زين ولا محبوب والشيء الوحيد الزين اليه فيه انه ايخفف السيئات والدنوب وانا ماجزعت وما اعترظت اللهم لا اعتراظ
بس قلت وجهة نظري في الموضوع لا اكثر ولا اقل على العموم شكرا على التعليق by the way trah ana girl :)

الكويتي الحر said...

ما يشوف شر ان شاء الله

وشغل السخافات من قلة الشغل والفضاوة