في البداية كان الأمل مع إعلان اللجنة الوزارية عن الدوائر الخمس، أتى بعدها بعضٌ من الإحباط مع التأجيل. إلا أن الأمر يتطلب عزيمتنا ووقفتنا معاً ككويتيين، فهناك قوى خيرة في مجلس الوزراء تقابلها قوى تقتات على الفساد، وبمقابلها هنالك قوة غير مسبوقة في مجلس الأمة مع الإصلاح وتقليص الدوائر إلى خمس، تقابلها قوى تسعى لإبقاء الوضع على ماهو عليه. أما نحن الكويتيون، فصوتنا لم يسمع بعد بالقوة المطلوبة.ـ
هل نكتفي بالسكوت؟ أم نكتفي بالتحلطم؟
أم أننا مستعدون لفعل شيء والتحرك؟
هل أنت مستعد لفعل شيء لوطنك؟
أم أننا مستعدون لفعل شيء والتحرك؟
هل أنت مستعد لفعل شيء لوطنك؟
20 comments:
انا شريت كرتون البيض وناطر موعد الجلسه اليايه
نبي بس واحد يأشر بس قولولنا وين؟
شنو الواحد ممكن يسوين اذا كان الواحد منا يقابله اثنين منهم وانان اقصد القبليين والراشيين
وكبيرهم الذي علمهم السحر من ضمن اللجنة ( تعديل الدوائر )
:/
ودنا .. ودنا
But , What do u suggest ?
صاروا مثل الأخطبوط
لهم إيد بكل مكان .. علونا و أحبطونا الله يعلهم ..
True Kuwaities are in need of a push that takes them up not down ..
انت بادر باقتراح و احنا وراك
If we did not move right now, we will regret it forever.
انا جاهزه
انت خيط واحنا نلبس
زمن التحرك مات مع ديوانيات الاثنين
من الشخص الان أو الاشخاص اللى فعلا لهم القدرة على تحريك الشارع الكويتى لمصلحة البلد؟
مو لمصلحة قبيلة أو حزب
شعبك اللحين كل اللى يفكر فيه..أكو منحه لو ماكو
الموضوع جميل ولكن يجب أن يكون هناك
طريقة للتحرك
جلسة الدوائر هي آخر أمل في الاصلاح
الغريب أن جميع التيارات السياسية متفقة على الخمس دوائر لكن مع الاسف شوية فاسدين مع شوية حوش من كتلة المستغليين مع جم جريده صفره قادرين على فرض أجندتهم علينا
ويجب أن يكون لنا كلمة
shabab,
Take the lead, and we will be with you, just take in consideration people who are outside Kuwait, we need to do something also.
قواكم الله و ناطرين افكاركم
سيروا ونحن معكم... انا تحت أمركم وتصرفكم
10 10 10 10 10 10 10 10 10
مابى أزيد إحباطكم بس منو يراهن راح يكون فيه قائمة ((يديدة))تدعم العشر دوائر
و فيها 22 عضو محترم على الأقل
10 10 10 10 10 10 10 10 10
hug
not too late to change your mind buddy
we're all for it inshallah
انا اللي تامرون فيه..........معاكم
al2aan al2aan walaisa '3adan...
ya jima3a tra al kuwait mo shwaya
:(
مساكم الله بالخير .. انا من المؤيدين للدوائر الخمس ولكن .. هل تتوقعون ان الدوائر راح تكون منصفه ؟؟ مثلا المناطق الداخليه والحضر يعتبرون اقليه بالنسبه للمناطق الخارجيه والبدو !! فهل ينتصر الاكثريه ام ماذا ؟ شرايكم بمجلس شورى من اعيان البلد وحكمائهم من غير معاشات .. نبي ناس شبعانه ناس تخاف الله وضميرها حي .. والنااااااس الشبعانين واااايد بس اخ عل اللي شبعانين وياكلون بحامه
السلام عليكم جميعا
عندي اقتراح ما ادري اذا ينفع ولا لا خن نتجمع كل يوم في جلسه امام المجلس بكل هدوء لين موعد جلسة التصويت ونرفع يافطات تأيد الخمس ونكتب خل التاريخ يذكركم بخير عملتوه لهل الديره يمكن يشعرون بالمسؤليه وتعجبهم كلمة التاريخ يذكركم ويتباصرون مع ضميرهم يمكن تكون مفيده , بس ما أدري ليش أحساسي يقول خمس أنشالله و أنشالله ربي ما يخيب ظني .
BRING IT ON
قلت لكم من الاسبوع الماضي
مظاهرات حقوق المرأة و لونها الأزرق لا زالت حية هنا
لذلك فوالله و من خلال خبرة و تجارب طويلة في هالمجال
الكل يحضر أمام المجلس يوم 15-5 و معاه ثلاث بيضات
و اذا ما أقرو الخمس نفلع المجلس بالبيض
و اللي يخاف من الشرطة فأنا أضمنلكم ما راح يصيدون أحد , و ان صادوا ثاني يوم تطلعون
أنا واحد حياوي و خجول و شخصيتي ضعيفة بس هالمرة لازم أروح و أوقف هناك, الحيا ما ينفع مع من غسل وجهه من الحيا
ثلاث بيضات و كأني حاس ان يبيلها بيضة رابعة حق الشامية
و للي قال نبي مجلس شورى فيه ناس شباعى , ماكو أشبع من الفاسدين
لو ما الفساد جان ما اشبعوا
اذا بتسوون شي لازم من الحين نعرف علشان نقدر نجمع اكبر عدد من الكويتيين..مسجات..مسجات..مسجات
بس لازم نعرف الخطة عدل..ياجماعة دقيتونه سلف و مشيتوو :(
www.zamanalwa9l.blogspot.com
الكلام حلـو وأحلى من العسـل بس وين وين وين !!
ديرتنا ديرة خيـر يا ناس ..
تبي من يقولها انا جـاااهز وبالشوفه ..
وعلى قولة رويشد ..
لج الأمر يا كويت ياكويت
لج الأمر والطـاعه :)
Post a Comment