Wednesday, July 16, 2008

عچاف غير نمونة

استكمالاً للموضوع السابق

ولمن فاتته الصفحة الأخيرة في القبس اليوم


ياالله ارزقنا

عيال الفلوس ما خلوا لنا شي

حتى بالعچاف مزاحمينا
-----------

سعد الحريري والوليد بن طلال

Good Luck

25 comments:

Mohammad Al-Yousifi said...

العيد هل هلاله

Zaydoun said...

كنت راح أعلق على الموضوع في مدونتي لكن أصابني الغثيان

حاجة تقرف

zaradisht said...

يمدح بواحد خرب لبنان لمده ثلاث سنوات شي حلو
كل هذا عشان ياخذ اعمار الجنوب ويستولي على السكراب الي خلفه العدوان الاسرائيلي
عش رجبآ ترى عجبآ

Shurouq said...

آنا أصابتني الحالة اللي أصابت زيدون بس لقيت نفسي قاعدة أرسم صورة الخرافي.. جاسم، مو ناصر
ّ
I'm posting it here.. A dedication to you, Jandeef.

شسوي.. أحبه

Jandeef said...

مطقوق

يا ربنا زيد النعم
-----

Zaydoun,

Glad to be at your service.
----------

Zaradisht,
صدقت
--------

Shurouq,

Thanks :D I'm saving it for a later post

ButterFlier said...

يا خوفي

يمر الأمير و يطلب منه حل مجلس الأمه لأسباب إقتصادية

يسويها البخت على قولة فطومة

Bad-Ran said...

بريق الفرحة مبين بعيونه

enter-q8 said...

وليش ما تكتب عن خفيف الطينة جوهر اللي بجريدتكم
والا العجاف لناس و لناس
نفس المقال بس صيغه طائفية
و تصنيف الناس شقين
ان لم يكونوا مع حسن زعبله فهم مع الامريكان و الصهاينة

اموت على الحيايدية

kuwaitforus said...

ماتشوف عدنان عبدالصمد ومجموعته قاموا يحبون الخرافي

أييييييييييييه دنيا

بنت الشاميه said...

مثلث المال بالارض اللبنانيه

الحريري ....ديرته يخسر او يربح
هى ديرته
اما الخاسرين : هم الخليجيين
الوليد وناصر
لانهم يلعبون فى ملعب مو ملعبهم
وارض لبنان...... رمال متحركه
والمبارة الى الحين ما انتهت
العبره ......لما يصفر الحكم عليهم
هذاك الوقت
بنعقد تحت الحيطه (ويااااهم ) وبنسمع الزيطه

بوعبدالله said...

Disclaimer:والله مو دفاعاُ عن الخرافي لأن حركته وايد بايخه ولاني من جماعته ولا جماعة احمد الفهد ولا نصرالله اللي دمر لبنان ولا اشوف اي واحد فيهم نظيف ولكن ... ولكن....

لو الله يفكم من النوح واللطم على كل حركه يسويها الخرافي واحمد الفهد جان حالكم وايد احسن...

الريال عنده مصالح يبي يدافع عنها ويحميها .. حاله حال اي شخص ثاني .. مو اول ولا آخر واحد مسح جوخ لحسن نصرالله

اتمنى اشوف اليوم اللي تصير فيه علاقة الخرافي والصقر عال العال عشان يتغير هالحال

راعيها said...

جنديف
تذكرت لما جاسم الخرافي باس كتف الأمير سلطان بن عبدالعزيز

إلعن أبوها من فلوس اللي تخليني أوطي راسي لفلان وعلان ... شنو فايدة ال12 مليار دولار اذا ما رزتني

Jandeef said...

Butterflier

ترديد الخرافي مؤخراً لجملة "الحل غير الدستوري من صلاحيات الأمير" يثير الريبة.
-----------------


Enter-Q8

أولاً: حسن جوهر أحد أتباع حزب الله، لذلك عجافه لهم ليس بالشيء الجديد والمثير مثل عجاف أغنى رجل في الكويت.

ثانياً: ليس بإمكاني تتبع كل مقال يمجد لحزب الله وغيره من الجماعات الإرهابية لأنه يا كثرهم.

ثالثاً: من قال لك أننا محايدين؟
---------------

بوعبدالله

تقول حالـ"كم" ... ماني فاهم منو تقصد بهالجمع؟

أعتقد قولك بأننا ننوح ونلطم على كل حركة يسويها الخرافي وأحمد الفهد – ولو أني لا أرى مشكلة في ذلك – فيها مبالغة شوي، لو بنتكلم عن كل شي يسوونه جان ما عندي وقت أنام.

ثانياً يا خوي ما ادري شدخل علاقة الخرافي والصقر بالموضوع، خماجير الخرافي موجودة منذ الثمانينات، ولو كنا نفتهم ذاك الوقت وعندنا مدونة لكتبنا عنها.

بالنهاية ما نقول الا عسى الله يهديهم.
-------------

راعيها

ما تتصور أمس شكثر مقال الخرافي كان موضع غثيان في كثير من الدواوين، خاصة دواوين كبار السن.

NADA AL MUTAWA said...

بصراحة ..
المفروض اللجنة الوطنية للاسرى والمفقودين الكويتيين تحتج
لان التطبيل والعجاف لنجاح نصرالله في استرجاع الاسير اللبناني
وكأن الكويتي طايح حظه وماحد سائل عنه
وسلامتكم

Alia said...

اي والله اي والله

ضحكت ضحك لما شفت المقال
أشكره شذيه
عبالهم الناس مسبهه ما تفهم

nEo said...

طيح من قدره

بوعبدالله said...

جنديف .. اولا مشكور على الرد الراقي

حال"كم" مقصود فيها معشر المدونين التحالفيين(الاٌ شلون التحالف مالهم حس؟)

مقصود فيها انتم لسان حال الصقر والراشد والملا والعبدالجادر.. وغيرهم اللي مايجرؤون يقولون هالكلام علني ولكن يقولونه لكم (الكوادر الشابه) وانتو ماتقصرون سيده تنشرونه بالمدونات والجرايد ..

ما اقول ان احد يلقنكم الكلام او يمليه عليكم .. انتو اكبر من جذي .. لكنكم تحملون نفس اجندتهم وتتكلمون بالنيابه عنهم- وهالشي عادي موجود في كل مكان

احمد الفهد صار موضه قديمه .. والخرافي والله مادرى عنكم .. والاسلاميين (للاسف) اكتسحوا الانتخابات .. وانتم للحين شاغلين بالكم معاهم.. شوية نقد للذات مو غلط .. ترى حرقتو اعصابنا للحين محد فيكم قالنا شصار على التحالف اثناء وبعد الانتخابات ..

الصقر هو التحالف.. والتحالف هو الصقر .. على الاقل في الوقت الراهن.. لذلك ربطت بينه وبين الخرافي .. قد اكون مخطيء .. بس آي كول إت لايك آي سي إت

اعتذر على تبعثر الافكار .. الكافين للحين مااخذ مفعوله

hajj-imad said...

حزب الله ارهابي؟ ابي رجل فيكم يقول هل كلام ايام الانتخابات في الدائرة الثالثة. بس الشرهة مو عليكم الشرهة علينا الي وقفنا وياكم, بس بسيطة يا جاسم, مادري خالد, الوعد2012

Don Juan said...

لاعبينها صح الخرافي بروذرز :)

Jandeef said...

Alia

nEo رد عليج ... بالضبط هذا الجو اللي يدور بالدواوين خاصة بين الشياب
------------


بوعبدالله

ساحة الصفاة موجودة قبل لا الملا والعبدالجادر يدخلون المجلس على الأقل، وآراء مدونيها معروفة من زمان، لذلك ماكو "يقولونه لكم وانتو ما تقصرون سيدة تنشرونه" أو "تتكلمون بالنيابة عنهم" .. ما يقولونه في أي مكان يمثلهم، وما يقال على ساحة الصفاة اللي كتبه.

ومثل ما قلت إذا كانوا الصقر والراشد والملا والعبدالجادر أقرب ناس لآرائنا في المجلس بعد شنسوي، حاسدينا على أربع نواب يا حظي.

أما أخبار التحالف فلا تحترق أعصابك ما تسوى، آخر علمي انهم فازوا بثلاث مقاعد، وبعدين على الراشد استقال وبعدين جمد استقالته والتحالف قال بيشكل لجنة تدرس ملاحظاته، وهذا احنا ناطرين وياك.


الحين نرجع حق الموضوع الرئيسي

أحمد الفهد صار موضة قديمة والا الخرافي ما درى عنا، شالمشكلة؟ يا عزيزي هذه مدونة مو جريدة اللي لازم تكتب عن كل شيء ولازم تواكب الموضة والجو العام، مدونة يكتبون فيها 4 أشخاص، ومثل ما انت شايف الفترة الأخيرة الشباب اللي وياي طاخين وانا اللي باقي فيني بانزين، نكتب فيها أفكار تخطر على بالنا، مو بالضرورة هالأفكار تكون هي السائدة في الشارع أو موضة حديثة، ومو بالضرورة الأفكار تكون متفقة مع أولويات رواد المدونة، والأرشيف فيه كثير من الأمثلة.

المسألة باختصار قرأت مقال ناصر الخرافي، اشتهيت أكتب عنه، وكتبت، هذي طريقة التدوين بالنسبة لي.

الإسلاميين اكتسحوا الانتخابات شدخلها في الموضوع؟ ياما كتبنا عن الإسلاميين لما تكون أكو فكرة الواحد يكتبها، إذا عندك أفكار يا ريت تفتح لك مدونة وتكتبها ولك مني إذا في ارتباط مع موضوع أكتبه راح أحط لها لنك، وبالنهاية ساحة الصفاة ما سويناها بالضرورة حق انتخابات.

أخيراً التحالف والصقر هذا شأن يخص التحالف ويخص الصقر، لما الحين ماني فاهم شدخلهم بالمدونة وشدخلهم بموضوع ناصر الخرافي، ونكررها عسى الله يهديهم ... قول آمين.

وبس سامحنا على الأفكار المبعثرة أكثر منك .. و شوي شوي عالكافيين ترى كثرته مو زينه :)

MaCHBoS said...

اتوقع المثل اللي قاله خالي يمشي عدل عليه

اللي عنده الفلس يرفس رفس و اللي ما عنده الفلس يكشف ط*** للشمس !!

Anonymous said...

اعتقد راح نشوف تحول كبير في مواقف النواب الشيعه في الفتره القادمه

Jandeef said...

حمودي

أكثر من هالتحول شبنشوف عيل؟

يا ساتر

بوشملان said...

انا اعتقد ان الدنيا مصالح ومن حق كل انسان ان يدافع عن مصالحه .. ليش شابيين على الخرافي ؟؟؟

يبيله شوية حيادية ومادري احس ان النشوة والمتعه تكون في اعلى درجاتها عندك اذا قلت عندي خماشير واحد واقدر افضحه !!
ليش ما تفضح من اشترى الاصوات في الدائرة الثانية ؟؟؟
ولا لانه من ربعكم ؟؟؟
على قولتك خماشيره وااااااااااااااااااايد
تتعب ولا تخلصها !!

المهم انا اعتقد ان التيار الليبرالي بدأ ساعة الاحتضار و الان هو يهذي وهذا حال الدنيا صعود ثم نزول ..

عندما يحتظر التيار الليبرالي على
http://m3m3ah.blogspot.com/2008/07/blog-post_20.html

شكرا على هذه الفرصة الجميله

فتى الجبل said...

هلت المشاريع بسوريا ولبنان